प्रेयसीने केला प्रियकराचा कोयत्याने गळा चिरून निर्घृण खून


पुणे:-(3मार्च)
             प्रियकर लग्न करीत नसल्याच्या कारणावरून प्रेयसीनेच कोयत्याने गळा कापून प्रियकराचा खून केल्याची धक्कादायक घटना पुणे शहरातील नऱ्हे गावात मंगळवारी  (ता.३) पहाटे चार वाजता घडली. या घटनेने परिसरात चांगलीच खळबळ उडाली असून आहे. आरोपी तरुणी स्वतः पोलिस ठाण्यात हजर झाली आहे.
             महंतेश बिरादार (२७ वर्षे ) मूळ राहणार संख जिल्हा सांगली असे खून करण्यात आलेल्या प्रियकराचे नाव आहे. तर अनुराधा करे (वय २४) सध्या रा. नऱ्हे, मूळ गाव करेवाडी, जिल्हा सांगली असे खून करणाऱ्या  प्रेयसी तरुणीचे नाव आहे.
            प्राथमिक माहितीनुसार मागील काही दिवसांपासून दोघांमध्ये लग्न करण्याच्या कारणावरून वाद सुरू होते. अशातच मयत  तरुणाने आपण लग्न केल्याचे आरोपी तरुणीला सांगितले होते. याच कारणातून हा खून झाल्याचा अंदाज व्यक्त केला जात आहे. या घटनेची माहिती मिळताच पोलिसांनी घटनास्थळी धाव घेत मृतदेह ताब्यात घेऊन शवविच्छेदनासाठी ससून रुग्णालयात पाठविला आहे.